Vassendgutane og eg var på vegen igjen etter to veker fri denne helga. Det har vore godt å ha fri å vera saman med familien så lenge.

Familituren la me til Gol denne gongen. På Pers Hotel bada til og med eg. Kvart år reiser me ein tur til svenskegrensa. Det er tradisjon. Der kjøper me snop (godteri) til den store gullmedalje.

Men ein ting har satt ein dempar på ferien denne gongen: Det har regna, og regna, og regna, og regna…. Eg er så lei av det våte som kjem frå himmelen no at eg veit ikkje kva eg skal si. Samstundes kom det noko godt ut av det denne gongen.

For mens ho sat og så ut på regnet fekk sambuaren min, Tanya, ein idé. Ho ville rosemala gitaren min. Eg var ute eit ærend, så eg fekk berre ein telefon om ho fekk lov. Eg veit at ho er flink med penselen, så det var ikkje nei å høyra frå meg.

Ho malte den med sitt heilt spesielle mønster, og den vart akkurat så fin som eg trudde den skulle bli. Det vart faktisk så bra at eg henta gitaren eg har ståande i Vassendgutane-bussen også. Så ho fekk male den også. I helga fekk den «lufta seg» for første gong siden malinga vart gjort, og eg fekk mange fine kommentarar om den spesielle gitaren.

Sånn sett fant eg summarlukka. Heilt utan hjelp frå sola.

Helsing
Leifen

PS! Dykk fra Bergen og på Husnes. Håpar dykk kjem for å sjå på den nymåla gitaren når Vassendgutane spelar på Ricks fredag og Søralparken lørdag!

Bildeserie med 5 bilder — bla ved å trykke på pilene